Musobaqaning hal qiluvchi bahslari 17–22-avgust kunlari Toshkentda boʻlib oʻtadi.
Joriy yilda yurtimizning barcha tuman, shahar va viloyatlarida yoshlar oʻrtasida futbol va mini-futbol boʻyicha DXX kubogi musobaqasi oltinchi bor oʻtkazilmoqda.
Qoraqalpogʻiston Respublikasi, viloyatlar va Toshkent shahrida oʻgʻil bolalar oʻrtasida futbol va mini-futbol, qizlar oʻrtasida esa mini-futbol boʻyicha musobaqalar uch bosqichda tashkil etilmoqda.
Bugun poytaxtda ishtirokchi jamoalar vakillari, tashkilotchilar hamda futbol mutasaddilari ishtirokida musobaqaning Respublika bosqichiga qurʼa tashlash marosimi boʻlib oʻtdi.
Qurʼa natijalariga koʻra, jamoalar 17–22-avgust kunlari “Bunyodkor” akademiyasi maydonlarida oʻzaro bahs olib boradi.
Musobaqaning final uchrashuvi 22-avgust kuni “JAR” stadionida oʻtkaziladi.
