O‘zbekistonning ikki fuqarosi Pxuket aeroportida bojxona xodimlari yuklaridan 26 kg dan ortiq kannabis mahsulotlarini aniqlagani uchun qo‘lga olindi. Hodisa 1 iyul kuni, ularning Tailanddan uchib ketishidan biroz oldin sodir bo‘lgan, deb xabar bermoqda The Thaiger.
Bojxona xodimlari yuklarni ko‘zdan kechirish chog‘ida bir nechta chamadonlardan quritilgan kannabis gullari, kannabis smolasi va qayta ishlangan kannabis mahsulotlarini topishdi. Erkaklar ushbu mahsulotlarni Tailanddan noqonuniy olib chiqishga uringan.
Birinchi qo‘lga olingan shaxsning ikkita chamadoni ko‘zdan kechirilganda, umumiy og‘irligi 9,8 kg bo‘lgan 30 ta vakuum qadoqdagi quritilgan nasha gullari (qadoq bilan birga), shuningdek, umumiy og‘irligi 1,03 kg bo‘lgan 14 ta qayta ishlangan nasha plitkalari topildi.
Ikkinchi qo‘lga olingan shaxsning yukida bojxona xodimlari tomonidan umumiy og‘irligi 9,8 kg bo‘lgan 30 o‘ram quritilgan nasha gullari, og‘irligi 4,1 kg bo‘lgan 8 o‘ram nasha smolasi, shuningdek, umumiy og‘irligi 2 kg bo‘lgan qayta ishlangan nasha mahsulotlari - bir o‘ram, beshta plitka va to‘qqizta briket (o‘ram bilan birga) topilgan.
Hozirda mazkur holatlar yuzasidan bojxona tekshiruvlari olib borilmoqda.
