Bosh prokuratura huzuridagi Departamentning Andijon viloyat boshqarmasi tomonidan fuqarolarning huquq va manfaatlarini himoya qilish yuzasidan o'tkazilgan tezkor tadbirda, fuqaro I.J. boshqa bir fuqaro A.ga tanishlari yordamida tijorat banklarining biridan uy-joy qurish uchun 150 mln so'm kredit ajratib berish hamda hech qayerda ishlamasada ish xaqi hisoblanganligi haqida ma'lumotnoma olib berish evaziga jami 1 900 AQSH dollari va 280 ming so'mini olgan vaqtida ashyoviy dalillar bilan ushlangan.
 
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo'zg'atilib, tergov harakatlari o'tkazilmoqda. Bu haqida Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.