Сөйлесиў алдынан министр мәмлекетимиз басшысына БАӘ Президенти Шайх Муҳаммад Ол Наҳаян, Бас министри, Дубай Әмири Шайх Муҳаммад Ол Мактум, Вице-президенти Шайх Мансур Ол Наҳаян ҳәм Абу-Даби Әмирлиги мийрасхоры Шайх Холид Ол Наҳаянның сәлеми ҳәм ең жақсы тилеклерин жеткерди.
Өзбекстан - БАӘ стратегиялық шериклик қатнасықлары жедел раўажланып атырғаны айрықша атап өтилди.
Товар алмасыў ҳәм инвестициялардың көлеми, қоспа кәрханалардың саны артпақта. Бесинши Ташкент инвестициялық форумы шеңберинде БАӘ компаниялары менен бир қатар жаңа келисимлерге қол қойылыўы күтилмекте.
"Жасыл" энергетика, жанылғы ислеп шығарыў, транспорт, логистика, жасалма интеллект, санластырыў сыяқлы тараўларда ири жойбарларды әмелге асырыўды жеделлестириўге келисип алынды.
