19.01.2026-жылдағы ПП-14-санлы Пәрманға муўапық, 2026-жыл 1-сентябрьден баслап Мәмлекетлик хызметлердиң төмендеги түрлери Бирден-бир интерактив мәмлекетлик хызметлер порталы ҳәм Мәмлекетлик хызметлер орайлары арқалы көрсетиледи:
сырт елде жасап атырған ўатанласларды ҳәм олардың шаңарақ ағзаларын Өзбекстан Республикасына мирәт етиў;
пуқаралығы болмаған шахслардың биометрикалық ҳәрекетлениў ҳүжжетлерин рәсмийлестириў ушын арза жибериў.
Ҳүжжет пенен тийисли мәмлекетлик хызметлерди көрсетиў регламентлери тастыйықланды.
Арза бериўши ҳүжжетлерди мәмлекетлик хызметлер орайлары (МХО)на ямаса Бирден-бир интерактив мәмлекетлик хызметлер порталы (БИМХП) арқалы тапсырады, олар еки жумыс күни даўамында көрип шығылады. Кейин ўәкилликли уйым жети жумыс күни даўамында электрон жуўмақ береди.
Арза бериўшиге QR-код арқалы қорғалған электрон шақырыў хаты жибериледи. Усыныснама берилген күннен баслап үш ай даўамында әмел етеди.
Пуқаралығы болмаған шахстың көшип өткенлиги ҳаққындағы биометрикалық ҳүжжет - Өзбекстан Республикасында жасап атырған пуқаралығы болмаған шахстың шахсын тастыйықлаўшы, сырт елде көшип өткенлиги ҳаққындағы ҳүжжет ийесиниң жеке биографиялық мағлыўматлары ҳәм биометриялық параметрлерин өз ишине алған электрон тасыўшыға (чипке) ийе ҳүжжет.
Арза келип түскен күннен баслап үш жумыс күни даўамында арза бериўшиниң жасаў орны бойынша ўәкилликли уйым тәрепинен көрип шығылады. Ўәкилликли уйым көрип шығылып, тастыйықланғанынан кейин арза ийесине оның өмирбаяны, санлы фотосүўрети ҳәм бармақларының электрон излерин (16 жастан үлкен шахслар ушын) ўәкилликли уйымға усыныў соралған хабарнама жибереди.
Арза бериўши хабарнама қабыл етилген күннен баслап бир ай мүддетте тийисли ҳүжжетлер менен бирге мәмлекетлик емес МХО ямаса БИМХП арқалы ўәкилликли уйымға арза бериўи керек.
Ҳүжжет Нызамшылық мағлыўматлары миллий базасында жәрияланған ҳәм 21.10.2026-жылдан күшке кирди, деп жазады «Norma».
