Сапар бағдарламасына муўапық, еки мәмлекет басшыларының тар ҳәм кеңейтилген қурамдағы сөйлесиўлери болып өтеди. Көп қырлы Өзбекстан - Германия қатнасықларын және де беккемлеў мәселелери көрип шығылады.
Тәреплер саўда, санаат кооперациясы, энергетика ҳәм "жасыл" технологиялар, транспорт ҳәм логистика, фармацевтика ҳәм химия тармақлары, аўыл хожалығы тараўларында әмелий бирге ислесиўди кеңейтиў, билимлендириў ҳәм гуманитарлық алмасыўларды жеделлестириўге айрықша итибар қаратады.
Халықаралық ҳәм регионаллық әҳмийетке ийе актуал мәселелер бойынша да пикир алысылады.
Сөйлесиўлер шеңберинде бир қатар жаңа қоспа жойбар ҳәм бағдарламаларды баслаў, Өзбекстан ҳәм Германия арасындағы өз-ара пайдалы бирге ислесиўди буннан былай да раўажландырыўға қосымша пәт бағышлайтуғын ҳүжжетлер топламын қабыл етиў режелестирилген.
