Орденди мәмлекетимиз басшысына көп қырлы Өзбекстан - Сербия қатнасықларын
беккемлеўге қосқан үлкен үлеси ушын Сербия Президенти Александр Вучич тапсырды.
Мәмлекетимиз жетекшиси жоқары сыйлық ушын терең миннетдаршылық билдирип,
оны Сербия халқының Өзбекстанға болған терең ҳүрметиниң, беккемленип атырған
дослық ҳәм еки тәреплеме қатнасықларды буннан былай да раўажландырыўға исенимли
умтылысының белгиси, деп билетуғынын атап өтти.
Сербия Республикасы ордени халықлар арасында тынышлықты, бирге ислесиўди
ҳәм өз-ара түсинисиўди беккемлеўге, республика менен дослық байланысларын
раўажландырыўға қосқан үлкен үлеси ушын белгили сырт ел ғайраткерлерине
бериледи.
