Бағдарламаның биринши пункти Сербия Миллий музейи болды. Биринши ханымлар
елимиздиң тарийхына байланыслы археологиялық табылмалар, Сербия ҳәм дүнья көркем
өнери дөретпелери көрсетилген музей экспозициясы менен танысты. Соның менен
бирге, жоқары мәртебели мийманлар "Этно-мрежа" дәстүрий өнерментшилик
көргизбесин көзден өткерди.
Мәмлекеттиң тийкарғы миллий естеликлериниң бири - Сербия кирилл
жазыўындағы ең әййемги естелик - Мирослав Инжилине
айрықша итибар қаратылды. XII әсирге тийисли бул бийбаҳа қолжазба китап жоқары
көркем қунлылығы менен ажыралып турады ҳәм миниатюралар менен шеберлик пенен
безетилген. 2005-жили Мирослав Инжили ЮНЕСКО тәрепинен "Дүнья естелиги" халықаралық реестрине
киргизилген.
Буннан соң
Биринши ханымлар дүньядағы ең ири православ ибадатханаларынан бири ҳәм
Сербияның ең әҳмийетли руўхый белгиси болған "Муқаддес Савва"
ибадатханасына барды.
Қызғын сөйлесиўде
Зироат Мирзиёева ҳәм Тамара Вучич Өзбекстан менен Сербия арасындағы
мәдений-гуманитарлық байланысларды буннан былай да беккемлеў әҳмийетли екенин
атап өтти.
