Тийкарғы мақсетлер:
исбилерменлик жумысын жеңиллестириў ушын бажыхана тәртип-қағыйдаларын
әпиўайыластырыў ҳәм бюрократиялық тосқынлықларды сапластырыў;
2030-жылға шекем
- санлы технологияларды раўажландырыў есабынан инсан қатнасыўысыз
бажыхана рәсмийлестириўи көлемин 60 процентке жеткериў;
- бажыхана түсимлериниң жалпы ишки өнимдеги үлеси 4,4 процентке шекем
арттырылды;
- бажыхана рәсмийлестириўи ўақтын 2 есеге қысқартыў;
- бажыхана хызметлериниң сапасын арттырыў ҳәм бажыхана уйымларына
исенимди арттырыў.
Ҳүжжет пенен 2026-2030-жылларға мөлшерленген "Жаңа Өзбекстан
бажыхана - 2030" стратегиясы тастыйықланып, Стратегияның тийкарғы
бағдарлары етип төмендегилер белгиленди:
- бажыхана
тәртип-қағыйдаларынан өтиўде хожалық жүргизиўши субектлер ҳәм физикалық шахслар
ушын қолайлы шараятлар жаратыў;
ЖИ
технологияларын кеңнен енгизиў есабынан бажыхана уйымларының инфраструктурасын
жақсылаў ҳәм санластырыў дәрежесин арттырыў;
бажыхана
ҳәкимшилигин буннан былай да жетилистириў;
бажыхана
уйымларында кадрлар ҳәм қадағалаў системасын раўажландырыў;
халықаралық бирге
ислесиўди кеңейтиў.
Атап айтқанда,
2026-жыл 1-сентябрьден төмендеги талаплар бийкар етиледи:
сыртқы саўда
шәртнамасын дүзбестен импорт етиўде есап-фактура бойынша сырт елли жумысты
бөлип алып ислеўшиге аванс төлеўди шеклеў;
сыртқы саўда
шәртнамасын дүзбестен экспорт етиўде есап-фактура бойынша түсимниң 50 проценти
муғдарында аванс төлемин тәмийинлеў;
- товарларды
миллий валютада экспорт етиўде аванс төлемин тәмийинлеў ямаса кепилликли төлеў
формаларын (аккредитив, банк кепиллиги, қамсызландырыў полиси) бериў ҳәм
басқалар.
2026-жыл
1-октябрьден баслап:
Тәшиўиш дәрежеси
төмен болған ҳәм ҚҚС төлеўшиниң әмелдеги гүўалығына ийе болған сыртқы
экономикалық хызмет (СЭХ) қатнасыўшыларына товарларды импорт етиўде төленген
ҚҚС суммаларын өз-ара компенсациялаўға рухсат бериледи;
бажыхана
рәсмийлестириўи, фитосанитария ҳәм фумигация сертификатлары, товарлардың келип
шығыў сертификаты ушын жыйым ҳәм төлемлер муғдары 30 процентке азайтылады.
2027-жыл
1-январьдан баслап бажыхана тәртип-қағыйдаларын әпиўайыластырыў бойынша
төмендеги илажлар әмелге асырылады:
СЭХ
қатнасыўшылары тәрепинен импорт етилетуғын, қәўиплилик дәрежеси төмен болған
товарлардың бажыхана баҳасын қадағалаў товарлар еркин айланысқа шығарылғаннан
соң әмелге асырылады;
бажыхана баҳасын
қадағалаў мақсетинде товарлардың қатаң бажыхана баҳасын белгилеўди қадаған
етиў;
товарлардың
бажыхана баҳасын қадағалаўда рәсмий дилерлер ҳәм дистрибьюторлардың баҳалары
ҳаққындағы мағлыўматлардан пайдаланыў әмелиятын орнатыў ҳәм басқалар.
Сондай тәртип
орнатылсын, оған муўапық 2027-жыл 1-июньнен баслап:
бажыхана
қадағалаўы даўамында товарлардың келип шығыў сертификаты ҳәм усынылған
ҳүжжетлер арасында товарлардың характерине тәсир етпейтуғын азмаз
айырмашылықлар анықланған жағдайда, бул айырмашылықлар сертификат бериўди
бийкарлаў ушын тийкар болмайды;
экспорт етиўде экспорт
етиўшиниң ықтыярлы арзасы бойынша экологиялық сертификат бериледи;
артықша төленген
ямаса қайтарылған бажыхана бажыларын қайтарыў ҳаққындағы арзаларды бериў, көрип
шығыў ҳәм жуўап бериў процесслери орайласқан тәризде электрон түрде әмелге
асырылады;
бажыхана
декларациясы толық көлемде қайта рәсмийлестириледи:
реэкспорт етиўде,
тәртипте белгиленген талапларға әмел етилсе ҳәм шегара бажыхана постында
товарларды бажыхана қадағалаўынан өткериў жуўмақланса, алдын төленген барлық
бажыхана бажылары ҳәм салықлары қайтарылады;
товарлар бажыхана
бажыларын төлеўди нәзерде тутатуғын бажыхана режими астына қойылған күннен
баслап бир жыл даўамында тийисли тәртипте рәсмийлестирилген келип шығыў
мәмлекетиниң сертификаты көрсетилгенде ең қолайлы режим ямаса еркин саўда
режими тикленеди ҳәм басқалар.
Бажыхана
комитетиниң Мәлимлеме-коммуникация технологиялары ҳәм киберқәўипсизлик
басқармасы негизинде юридикалық шахс статусына ийе Санлы технологиялар орайы
шөлкемлестириледи.
Бажыхана
рәсмийлестириўин буннан былай да реформалаў ҳәм модернизациялаў, айырым
тәртип-қағыйдаларды әпиўайыластырыў ҳәм процесслерди санластырыў бойынша
қосымша илажлардың "Жол картасы" тастыйықланды.
Ҳүжжет Нызамшылық
мағлыўматлары миллий базасында жәрияланған ҳәм 01.09.2026-жылдан күшке кирди,
деп жазады «Norma».
