Усы жылдың сентябрь айында Мәдений мийрас агентлиги ҳәм Я.Ғуломов атындағы Самарқанд археология институтының хызметкерлери тәрепинен Жиззақ ўәлаятының Замин ҳәм Шараф Рашидов районларында археологиялық дала-излеў жумыслары алып барылды.
Изертлеўлер даўамында Замин районының бир қатар аймақларында тас дәўирине
тийисли жаңа археологиялық объектлер анықланды.
Дәслепки мағлыўматларга қарағанда, Аччи аўылының шығыс бөлиминде палеолит
дәўирине, Пешағар аўылында болса неолит дәўирине тийисли мәкан жайлар дизимге
алынды. Сондай-ақ, Аччи аўылының батыс бөлими ҳәм Аржа аўылы аймақларында
неолит дәўирине тийисли табылмалар анықланды.
