Жолаўшылар ағымының өсиўи, соның ишинде, мәмлекетимиздеги барлық жоқары
оқыў орынларында жаңа оқыў жылы басланып, жәмийетлик транспортқа талап
сезилерли дәрежеде артқаны менен байланыслы.
Буннан алдынғы максимал көрсеткиш 2026-жыл 8-май күни дизимге алынған
еди. Сол ўақытта 1 миллион 117 мың 61 жолаўшы Ташкент метрополитенинен
пайдаланған.
Қәнигелердиң пикиринше, жолаўшы ағымының өсиў тенденциясы келешекте де
сақланып қалыўы күтилмекте. Атап айтқанда, октябрь айында күнлик жолаўшылар
саны 1,2 миллионға жетиўи мүмкин.
Усы мүнәсибет пенен Ташкент метрополитени 1 200 000-жолаўшыны анықлап,
оған арнаўлы саўға ямаса жеңиллик бериўди режелестирмекте. Бул баслама жолаўшылар ушын өзине тән хошаметлеў ҳәм
символикалық ўақыя болыўы керек.
Жолаўшылар ағымы
артып атырған бир ўақытта метрополитенниң ҳәрекетлениўши қурамын
басқышпа-басқыш жаңалаў даўам етпекте. Бурын хабар етилгениндей, 2026-жылы
сатып алыныўы ҳәм жеткерип берилиўи режелестирилген 14 заманагөй поездың барлығы
Ташкент метрополитениниң вагонлар парки қурамына өткерилген. Олардан
жолаўшыларға хызмет көрсетиўдиң оперативлиги, қолайлылығы ҳәм сапасын арттырыў
мақсетинде пайдаланылады.
"Ташкент
метрополитени" АЖ жолаўшылар ағымын турақлы түрде мониторинг етиўди даўам
еттирмекте. Поездлардың ҳәрекети ҳақыйқый жүклемени есапқа алған ҳалда -
жолаўшыларға қолайлылық, хызмет көрсетиў сапасы ҳәм тасыўлардың қәўипсизлигин
тәмийинлеў мақсетинде жеделлик пенен өзгертиледи.
