"Этимесгут" аэропортында мәмлекетимиз басшысы ҳәм өмирлик жолдасын Түркия Республикасы саўда министри Умар Болат ҳәм басқа да рәсмийлер шығарып салды.
Күни кеше Өзбекстан жетекшиси Түркия Республикасы Президенти Режеп Таййип Эрдоған менен ушырасыў өткерди ҳәм Түркий мәмлекетлер цивилизациясы паркиниң ашылыў мәресиминде қатнасты.
Бүгин Түркий мәмлекетлер шөлкеминиң гезектеги саммити болып өтти. Онда Президентимиз көп тәреплеме шерикликти буннан былай да кеңейтиўдиң тийкарғы бағдарларын белгилеп берди ҳәм бир қатар әҳмийетли басламаларды алға қойды.
Сапар етиў шеңберинде Түркияның жетекши компанияларының басшылары менен еки тәреплеме ушырасыўлар да өткерилди.
