Сөйлесиўлер ўақтында еки тәреплеме ҳәм транзит жүк тасыўларды
раўажландырыў, рухсатнамалар системасын жетилистириў, Өзбекстанның ЕТМК (Европа
транспорт министрлери конференциясы) көп тәреплеме рухсатнамалар системасына
қосылыўы, Транспорт қураллары экипажларының жумысы ҳаққындағы Европа
келисиминиң талапларын орынлаў, автотранспорт қуралларын техникалық тексериўден
өткериў ҳәм шегара қадағалаўын шөлкемлестириў мәселелери көрип шығылды.
Мәжилис жуўмағында Өзбекстан халықаралық тасыўшылары ушын қосымша
рухсатнама бланклерин ажыратыў бойынша келисимге ерисилди. Олар 2026-жыл 10-августқа шекем рәсмийлестирилип,
миллий транспорт кәрханаларына берилиўи режелестирилген.
Буннан тысқары,
тәреплер 2027-жыл ушын рухсатнамалар квотасын еки есеге арттырыўға келисип
алды, бул Латвия ҳәм Европа Аўқамының басқа да мәмлекетлерине халықаралық жүк
тасыўларды әмелге асырыўда өзбек тасыўшыларының имканиятларын сезилерли
дәрежеде кеңейтиў имканиятын береди.
Ушырасыў
жуўмағында Өзбекстан ҳәм Латвия бирге ислесиўди буннан былай да беккемлеў,
транспорт тармағын санластырыўды даўам еттириў ҳәм халықаралық автомобиль
тасыўлары тараўында конструктивлик сөйлесиўди раўажландырыўдан мәпдар екени
тастыйықланды.
