Сапар даўамында Австрия қаржы министриниң орынбасары
Андреас Райхардт, Экономика, энергетика ҳәм туризм министрлигиниң ўәкили
Элизабет Вайссебек, Леобен кән-геология университети басшылары ҳәм BPG, Scotty Group, Leitner Ropeways, Fedaja, Frequentis ҳәм ILF компанияларының топ-менеджменти қатнасыўында
дөгерек сәўбети болып өтти. Тәреплер таў-кән санааты, инфраструктура, транспорт
ҳәм технологиялар тараўларында биргеликтеги жойбарларды додалады.
ЮНИДО
бас директорының орынбасары Фату Ҳайдар менен ушырасыўдың әҳмийетли нәтийжеси
Өзбекстанда "жасыл" санаат технологиялары регионаллық хабын
шөлкемлестириў бойынша биргеликтеги декларацияға қол қойылыўы болды.
Сондай-ақ,
делегация ОПЕК Халықаралық раўажланыў қорының 50 жыллығы мүнәсибети менен
өткерилген форумда қатнасты.
Илаж
шеңберинде Акрам Алиев фонд вице-президенти Шайма Ал-Шайбий менен сөйлесиўлер
өткерди, онда тәреплер әмелдеги жойбарларды додалады ҳәм жаңа келисимлерди
тастыйықлады.
