Қытайдың Чэнсян станциясында қәлиплестирилген поезд қурамында жеңил
автомобильлер ушын комплектлеўши бөлеклер, халық тутыныў товарлары, сондай-ақ,
басқа да жыйналмалы жүклер тасылмақта.
Поезд Қазақстан темир жоллары тәрепинен "Хоргос -
Алтынкөл" шегара өткели арқалы қабыл етилип, 7-сентябрь күни
"Алтынкөл" станциясынан белгиленген жөнелис бойынша жолға шығарылды.
Кейинги басқышта контейнерли блок-поезди Келес шегара өткели арқалы Өзбекстан
аймағына өтеди, буннан соң Хожадавлет шегара станциясы арқалы транзит түрде
Түркменстанға жибериледи.
Жөнелистиң улыўма
узынлығы 6 мың километрден аслам. Блок-поездиң ақырғы мәнзилге жетип барыўы
14-16 күн даўамында күтилмекте.
Бул жойбар
Өзбекстан аймағынан өтетуғын "Қытай - Орайлық Азия - Иран" транспорт
коридорының әмелий нәтийжелилигин тастыйықлайды ҳәм усы жөнелис бойынша контейнерли
блок-поезлардың турақлы ҳәрекетин шөлкемлестириў ушын беккем тийкар жаратады.
