Бу ҳақда Транспорт вазирлиги маълум қилди.
Келишув транспорт вазири ўринбосари Жасурбек Чориев ҳамда «Etihad Airways» авиакомпанияси бош операцион директори капитан Мажед Ал-Марзуки ўртасида бўлиб ўтди.
Учрашувда томонлар «Etihad Airways» авиакомпаниясининг Ўзбекистонга мунтазам қатновларни йўлга қўйиш ҳамда босқичма-босқич йўналишлар тармоғини кенгайтириш билан боғлиқ масалалар кўриб чиқилди.
Қайд этилишича, Ўзбекистон ҳамда БАА пойтахтлари ўртасида тўғридан тўғри авиақатновларнинг тикланиши Ўзбекистонлик йўловчиларнинг «Etihad Airways»нинг кенг кўламли йўналишлар тармоғидан фойдаланиш, Абу-Даби орқали қулай уланишлар билан Европа, Осиё, Австралия, Африка ва Шимолий Америкадаги 70 дан ортиқ халқаро йўналишларга учиш имконини беради.
