Маълум қилинишича, поезд соатига 160 километр тезликда ҳаракатланиши ва бир вақтнинг ўзида 415 нафар йўловчини ташиши мумкин. У Тошкент — Андижон йўналишида ҳаракатланиб, масофани тахминан 3 соатда босиб ўтиши кўзда тутилган.

Янги тезюрар поезд қатновининг йўлга қўйилиши Тошкент ва Андижон ўртасидаги транспорт алоқаларини яхшилаш, йўловчилар учун тезкор, қулай ва замонавий хизматларни таъминлашга хизмат қилади.

Янги қатнов ҳудудлар ўртасидаги ҳаракатчанликни ошириш билан бирга, аҳолининг сафарларини янада қулай ташкил этиш имконини беради.