Бу масала Миграция агентлиги директори Муҳсинхўжа Абдураҳмонов ва Беларус Республикасининг Ўзбекистондаги Фавқулодда ва мухтор Элчиси Александр Огородников ўртасидаги учрашувда муҳокама қилинди.
Маълум қилинишича, Андижон вилоятидан тақдим этилган номзодларнинг ҳужжатлари ўрганилиб, ҳозирга қадар 204 нафар номзоддан иборат рўйхат шакллантирилган. Танловда Ўзбекистоннинг барча ҳудудларидан талабгорлар иштирок этиши мумкин.
Беларусдаги бўш иш ўринлари асосан чорвачилик, тракторчилик, ҳайдовчилик ва ёрдамчи ишлар йўналишларида таклиф этилмоқда.
Номзодларнинг ҳужжатлари ва касбий кўникмалари дастлабки босқичда текширилади. Якуний танлов эса Беларусь иш берувчилари билан онлайн суҳбат орқали ўтказилади.
Учрашувда, шунингдек, фуқароларнинг йўл харажатларини иш берувчилар томонидан олдиндан қоплаш имкониятини ўрганиш таклиф этилди.
