Қоровулбозор туманидаги “Ҳадича” табиий кўлида ўтказилган рейди давомида фуқаролар Ж.Р, Б.Р ва И.У. томонидан ҳеч қандай рухсатномасиз, тақиқланган восита (тўр) ёрдамида 47 дона зоғора, 71 дона Орол чавоқ балиғи, жами 118 дона балиқ овланганлиги аниқланди.
Ушбу ноқонуний ов натижасида ҳайвонот дунёсига 126 миллион 72 минг сўм миқдорида моддий зарар етказилган.
Тезкор тадбир давомида ноқонуний овда фойдаланилган резина қайиқ, балиқ овлаш тўрлари ва бошқа овчилик анжомлари, шунингдек овланган балиқлар ашёвий далил сифатида расмийлаштириб олинди.
Ҳолат юзасидан айбдорларга нисбатан жиноят иши қўзғатилди. Рейд тадбирлари давом эттирилмоқда.
