Бугун соат 12:07 да Фавқулодда вазиятлар вазирлиги ғаввос-қутқарувчилари қидирув ишлари давомида фуқаролардан бирининг жасадини топган.
Ҳодиса Тошкент вилоятининг Бўстонлиқ туманида содир бўлган. Кемада сайр қилиш вақтида оила аъзоларидан бири қутқарув нимчасисиз сувга тушиб, чўкиб кетган. Унга ёрдам бериш мақсадида акаси ва отаси ҳам сувга тушган. Оқибатда учаласи ҳам чўкиб кетган.
Уларнинг кенжа ўғли жасади 9 сентябрь куни соат 13:02 да ФВВ ғаввослари томонидан топилган эди.
Бугун топилган жасад иккинчи фуқарога тегишли.
Айни пайтда отанинг жасадини қидириш ишлари давом этмоқда.
