Қайд этилишича, инфляция пасайишда давом этмоқда. Хусусан, август ойида умумий инфляция 6,2 фоизни, базавий инфляция эса 5,5 фоизни ташкил этган.
Иқтисодиётда айрим мувозанатлашув белгилари кузатилаётган бўлса-да, инфляцион босимлар ҳануз сақланиб қолмоқда.
Жумладан, инфляцион кутилмаларнинг пасайиши умумий инфляцияга нисбатан секинроқ кечмоқда. Шунингдек, жаҳон хомашё, озиқ-овқат ва энергия нархларининг юқори даражаси ҳамда тартибга солинадиган нархларни либераллаштириш жараёни асосий инфляцион хавфлар сифатида баҳоланмоқда.
Марказий банк маълумотларига кўра, ижобий реал фоиз ставкалари аҳолининг жамғаришга бўлган мойиллигини қўллаб-қувватламоқда.
Марказий банк инфляцияни 2027 йил якунига қадар 5 фоизлик мақсадли кўрсаткичга тушириш учун зарур пул-кредит шароитларини таъминлашда давом этади.
Асосий ставкани қайта кўриб чиқиш бўйича навбатдаги йиғилиш 2026 йил 28 октябрда ўтказилади.
