Фестиваль доирасида Сурхондарё вилоятининг узумчилик ва виночилик анъаналари, миллий гастрономик мероси, маҳаллий маҳсулотлари, ҳунармандчилиги ҳамда туризм салоҳияти кенг намойиш этилади.
Тадбир дастуридан гастрономик кўргазма ва дегустациялар, энотуризм йўналишидаги тақдимотлар, миллий маданият ва ижодий дастурлар, шунингдек, туризм соҳаси вакиллари, тадбиркорлар ва ҳамкорлар иштирокидаги учрашувлар ўрин олади.
Фестиваль маҳаллий гастрономик маҳсулотлар ва туризм хизматларини тарғиб қилиш, ҳудуднинг энотуризм салоҳиятини оммалаштириш ҳамда янги ҳамкорлик алоқаларини ривожлантиришга хизмат қилади. Шунингдек, тадбир доирасида блогерлар, контент яратувчилар ва медиа вакиллари учун Сурхондарёнинг туризм имкониятларини ёритишга қаратилган медиа фаолиятлар ташкил этилади.
Фестиваль Сурхондарёнинг бой гастрономик мероси, узумчилик анъаналари ва сайёҳлик салоҳиятини кенг тарғиб этиш, ҳудуднинг жозибадор туризм йўналишларини оммалаштириш ҳамда маҳаллий маҳсулот ва хизматларни кенг аудиторияга тақдим этиш учун муҳим платформа бўлиб хизмат қилади.
