Хусусан, қўшни давлатдан “Термиз халқаро савдо маркази” ҳудудига ўтиш учун кириб келган хориж фуқароси белгиланган тартибда божхона назоратидан ўтказилди.
Текширув давомида унинг ён чўнтагидаги мобил телефонининг орқа қопқоғи остига яширилган, шаффоф целлофанга ўралган, ўткир ҳидли, тўқ жигарранг модда аниқланди.
Ҳолат Сурхондарё вилояти божхона бошқармасининг “Айритом” чегара божхона пости Контрабандага қарши курашиш гуруҳи ходимлари томонидан Давлат хавфсизлик хизмати, ДХХ Чегара қўшинлари ҳамда вилоят ИИБ ходимлари билан ҳамкорликда ўтказилган тезкор тадбир давомида аниқланди.
Ўтказилган махсус текширув натижасида ушбу модда “опий” гиёҳвандлик воситаси эканлиги маълум бўлди. Унинг ўрами билан биргаликдаги оғирлиги 51,55 граммни ташкил этди.
