Унда Қорақалпоғистон Республикаси мактабгача ва мактаб таълими вазирининг биринчи ўринбосари Айбек Даулетбаев, Тўрткўл тумани ҳокимининг ўринбосари Бобур Янгибаев, туман мактабгача ва мактаб таълими бўлими ходимлари ҳамда тумандаги барча умумий ўрта таълим мактабларининг директорлари иштирок этди.
Очиқ мулоқот давомида тумандаги таълим тизимида амалга оширилаётган ишлар танқидий таҳлил қилиниб, мавжуд хато-камчиликларни бартараф этиш ҳамда таълимнинг сифати ва самарадорлигини ошириш бўйича аниқ вазифалар белгилаб олинди.
Жумладан, ўқитувчиларнинг фанлар бўйича миллий ва халқаро сертификатларга эгалик даражаси, педагогларнинг илғор иш тажрибаларини оммалаштириш, ўрта махсус маълумотли ўқитувчилар фаолияти самарадорлигини ва 11-синф битирувчиларининг олий таълим муассасаларига кириш кўрсаткичларини ошириш масалалари кўриб чиқилди. Шунингдек, ўқувчиларнинг фанлар бўйича миллий ва халқаро сертификатларни қўлга киритиши, иқтидорли, IT соҳасида даромад топувчи ўқувчилар улушини ошириш ва «Беш миллион сунъий интеллект етакчилари» лойиҳаси доирасидаги ишларнинг самарадорлигини таъминлаш вазифалари муҳокама қилинди.
Очиқ мулоқотнинг асосий мақсади - таълим сифатини янги босқичга олиб чиқиш, педагоглар салоҳиятини ошириш ва ўқувчиларнинг билим ва кўникмаларини янада ривожлантиришдан иборат бўлди.
Минажатдин ҚУТЛЫМУРАТОВ,
«Янги Ўзбекистон» мухбири.
