Маълум қилинишича, 15 июль куни тонгда 64-мактабнинг 9-синфини битирган икки нафар ўқувчи давлат рақами ечилган ҳолатдаги транспорт воситасини бошқариб чиққан. Тажрибасизлик оқибатида автомобиль йўловчи ташиш автобусининг орқа қисмига келиб урилган.
Қайд этилишича, ҳодиса вақтида автобус ичида йўловчилар бўлмаган. Йўл-транспорт ҳодисаси натижасида ҳеч ким тан жароҳати олмаган.
Ҳолат юзасидан транспорт воситасини ҳужжатсиз бошқаришга йўл қўйган ўқувчининг отасига нисбатан маъмурий баённома расмийлаштирилган.
Айни вақтда мазкур йўл-транспорт ҳодисаси юзасидан Тошкент шаҳар Йўл ҳаракати хавфсизлиги бошқармаси ходимлари томонидан суриштирув ишлари олиб борилмоқда.
