Тошкентда Хотира ва қадрлаш кунига бағишланган байрамона мушакбозлик бўлиб ўтади

Ҳарбий 9 май 2026, 15:47 2 222

9 май — Хотира ва қадрлаш куни муносабати билан бугун соат 21:00 да Тошкент шаҳридаги Янги Ўзбекистон боғи ҳудудида байрамона мушакбозлик бўлиб ўтади.

Мудофаа вазирлиги маълумотига кўра, феерверк боғ ҳудудида ишга туширилади. Байрам тадбири муносабати билан пойтахт аҳолиси ва меҳмонлари ёрқин томошага таклиф этилмоқда.

Шунингдек, мушакбозликни Ўзбекистон Республикаси Мудофаа вазирлигининг расмий Telegram-канали орқали жонли эфирда ҳам томоша қилиш мумкин.

Хотира ва қадрлаш куни муносабати билан ташкил этилаётган мазкур тадбир уруш ва меҳнат фахрийларига эҳтиром, тинчлик ва осойишталик қадрини улуғлашга қаратилгани билан аҳамиятлидир.