Аёллар ўртасидаги баҳсларда терма жамоамиз шахматчилари шахмат тахталари кесимидаги индивидуал натижалар бўйича совриндорлар қаторидан жой олди.
Жумладан, халқаро гроссмейстер Гулруҳбегим Тоҳиржонова иккинчи тахтадаги муваффақиятли иштироки учун кумуш медаль билан тақдирланди.
Халқаро тоифадаги шахмат устаси Нилуфархон Имомқўзиева эса бешинчи тахтадаги натижаси билан бронза медални қўлга киритди.
Мусобақада эркаклар ва аёллар терма жамоаларимиз аъзолари ҳам иштирок этиб, умумжамоа натижаси учун кураш олиб борди.