Учрашувда институт ва уюшма ўртасидаги ҳамкорликнинг истиқболли йўналишлари муҳокама қилинди.
Ҳадсон институти АҚШдаги мустақил таҳлил марказларидан бири бўлиб, сунъий интеллект, рақамли технологиялар ва уларнинг хавфсизликка таъсири бўйича тадқиқотлар олиб боради. Институт ўз тадқиқотлари натижаларини мақолалар, таҳлилий ҳисоботлар, халқаро конференциялар ва экспертлар учрашувлари орқали тақдим этади.
Мулоқот давомида Ўзбекистон Журналистлар уюшмаси билан ҳамкорлик қилиш имкониятлари юзасидан фикр алмашилди. Хусусан, Ўзбекистоннинг минтақавий сиёсати ва ислоҳотларини халқаро экспертларга етказиш, журналистлар ва таҳлилчилар ўртасида тажриба алмашиш, қўшма давра суҳбатлари ҳамда экспертлик учрашувларини ташкил этиш бўйича таклифлар билдирилди.
