«Мехоҳам бо хушнудӣ хабари хушро бо шумо мубодила кунам: ниҳоят, аз имрӯз дар Ӯзбекистон хизматрасониҳои пардохтии Apple Pay ва Google Pay ба роҳ монда шуданд», — навиштааст ӯ.
Ба роҳ мондани ин хизматрасониҳо қадами муҳим дар ҳамгироии Ӯзбекистон ба низоми байналмилалии пардохтҳои рақамӣ ба ҳисоб меравад.
Қаблан Саида Мирзиёева дар мулоқот бо ноиби президенти ширкати Google Каран Бҳатия масъалаҳои фароҳам овардани шароити зарурии ҳуқуқӣ ва технологӣ барои истифодаи низомҳои байналмилалии пардохтиро баррасӣ карда буд.
Хизматрасониҳои Apple Pay ва Google Pay ба шаҳрвандон ва меҳмонони хориҷӣ имкон медиҳанд, ки тавассути смартфонҳои худ пардохтҳои бидуни тамос анҷом диҳанд. Ин иқдом бояд ҳисоббаробаркуниҳои ҳаррӯзаро осон намуда, зарурати истифодаи пули нақдро коҳиш диҳад ва барои сайёҳон шароити мусоид фароҳам оварад.
Илова бар ин, роҳандозии хизматрасониҳои байналмилалии пардохтҳои рақамӣ имкониятҳои навро барои густариши иштироки Ӯзбекистон дар ҳамкориҳои ҷаҳонии технологӣ ва рушди инфрасохтори пардохтии рақамии кишвар фароҳам месозад.
