Варзишгарони мо дар мусобиқаи даставии мардон оид ба тирандозӣ аз таппончаи пневматикӣ аз масофаи 10 метр ба чунин дастоварди таърихӣ ноил шуданд.
Владимир Свечников, Содиқҷон Абдуллоев ва Муҳаммад Камолов дар даври ниҳоӣ 1738 хол ба даст оварда, соҳиби медалҳои биринҷӣ гардиданд.
Қобили зикр аст, ки мунтахаби Ҷумҳурии Корея, ки мақоми дуюмро ишғол намуд, низ 1738 хол ба даст овард. Аммо аз рӯйи нишондиҳандаҳои иловагӣ бартарӣ ба варзишгарони Кореяи Ҷанубӣ дода шуд.
Тақсимоти ниҳоии ҷойҳо:
Медали тилло: Чин — 1755 хол.
Медали нуқра: Ҷумҳурии Корея — 1738 хол.
Медали биринҷӣ: Ӯзбекистон — 1738 хол.
Ҳамин тариқ, варзишгарони ӯзбек бо ин дастоварди назаррас дар таърихи варзиши тирандозии кишвар саҳифаи навро боз карданд.
