Ҳадафи озмун дастгирии иқтидори эҷодии минтақаҳо ва фароҳам
овардани туҳфаҳои хотиравии хурдҳаҷм, босифат ва дастрас барои сайёҳон мебошад.
Ҳангоми баррасии дархостҳои пешниҳодшуда аъзои ҳакамон қайд
карданд, ки дар баъзе корҳо маълумот пурра пешниҳод нашудааст. Баъзе намунаҳо
туҳфаҳои аллакай дар бозор мавҷудбударо такрор мекарданд ва бархе иштирокчиён
маҳсулоти тайёреро пешниҳод кардаанд, ки ба муаллифони дигар тааллуқ доранд.
Ғайр аз ин, мутахассисон таъкид карданд, ки омода
намудани баъзе эскизҳо ва тарҳҳое, ки бо истифода аз зеҳни сунъӣ таҳия шудаанд,
танҳо ба таври дастӣ барои ҳунармандон метавонад хеле душвор бошад.
Бо дарназардошти хулосаҳои ҳакамон ва бо қарори якдилонаи
онҳо, марҳилаи аввал то 21 сентябр дароз карда шуд.
Ҳамчунин ҳаҷми мукофоти пулӣ зиёд карда шуд. Ғолибони ҳар яке
аз 25 номинатсия соҳиби 12,5 миллион сӯм хоҳанд шуд.
Лоиҳаҳое,
ки то имрӯз пешниҳод шуда, ба талаботи муқарраршуда ҷавобгӯ мебошанд, ба
арзёбии ниҳоӣ роҳ дода мешаванд. Дар муҳлати иловагӣ иштирокчиён метавонанд тарҳҳо
ва эскизҳои нави туҳфаҳои миллиро, ки ба меъёрҳои озмун мувофиқанд, пешниҳод
кунанд.
