Тибқи рӯйхати нашршуда, Ӯзбекистон дар байни кишварҳое, ки ба Ҷоми ҷаҳонии мардон роҳхат гирифтаанд, мақоми аввалро ишғол намуд. Дар рӯйхати иштирокчиёни Ҷоми ҷаҳонии занон бошад, кишвари мо дар зинаи 13-ум қарор гирифт.
Бино ба маълумоти FIDE, аз рӯйи натиҷаҳои Олимпиада намояндагони 83 федератсияи миллии шоҳмот ба мусобиқаи мардон ва 45 федератсия ба сабқати занон роҳхат гирифтанд.
Федератсияҳои Аврупо, Африқо ва Амрико тасмим гирифтанд, ки як қисми роҳхатҳоеро, ки дар доираи Олимпиада ба онҳо ҷудо шуда буданд, ба чемпионатҳои қитъавӣ равона кунанд. Дар натиҷа, 17 роҳхат барои мусобиқаи мардон ва 5 роҳхат барои мусобиқаи занон ба мусобиқаҳои қитъавӣ гузаронида шуд.
Ҳар як федератсияи миллӣ бояд аз миёни аъзои дастаи худ, ки дар Олимпиадаи шоҳмот дар Самарқанд иштирок кардаанд, як шоҳмотбозро барои намояндагӣ дар Ҷоми ҷаҳон интихоб намояд.
Агар ҳамаи аъзои даста аллакай бо роҳҳои дигари интихобӣ ҳуқуқи иштирок дар Ҷоми ҷаҳонро ба даст оварда бошанд ё аз ширкат дар мусобиқа даст кашанд, федератсия метавонад бо салоҳдиди худ роҳхатро ба шоҳмотбози дигар диҳад.
Интизор меравад, ки федератсияҳои миллӣ номзадҳои худро барои иштирок дар мусобиқа аз 1 то 15 июли соли 2027 тасдиқ кунанд.
