Дар ҷараёни музокироти сатҳи олӣ масъалаҳои таҳкими
минбаъдаи муносибатҳои дӯстӣ, ҳамсоягии нек ва шарикии стратегӣ миёни Ӯзбекистон
ва Қирғизистон, афзоиши гардиши савдои мутақобила, густариши ҳамкориҳои саноатӣ,
рушди робитаҳои нақлиётӣ ва табодули фарҳангиву башардӯстона мавриди баррасӣ қарор
хоҳанд гирифт.
Сарони давлатҳо инчунин оид ба масъалаҳои муҳими рӯзномаи
байналмилалӣ ва минтақавӣ мубодилаи афкор хоҳанд кард.
Аз рӯйи натиҷаҳои ҳамоиш имзои бастаи санадҳои дуҷониба,
ки ба рушди минбаъдаи ҳамкориҳои гуногунҷанба миёни Ӯзбекистон ва Қирғизистон
нигаронида шудаанд, дар назар аст.
Мувофиқи барномаи сафар инчунин иштироки Президенти
кишвари мо дар Мулоқоти ғайрирасмии
машваратии сарони давлатҳои Осиёи Марказӣ ва Озарбойҷон,
инчунин дигар чорабиниҳо пешбинӣ шудааст.
