Ma’lum qilinishiсha, joriy yil aprel oyida Mark Riz fuqarolik ishlari bo‘yicha Uchtepa tumanlararo sudiga mualliflik huquqi buzilishi oqibatida etkazilgan zarar uchun kompensatsiya undirish haqida da’vo arizasi kiritgan.

Sud ishni ko‘rib chiqib, javobgar — universitet mas’ul xodimi M.Cho‘tpulatovdan da’vogар foydasiga bazaviy hisoblash miqdorining 50 baravari, ya’ni 20 million 600 ming so‘m miqdорida tovon undirish haqida qaror chiqardi.

Avvalroq Mark Riz Abdulla Qodiriyning "O‘tkan kunlar" asarini 15 yil davomida ingliz tiliga “Bygone Days” nomi bilan tarjima qilgani, ammo uning elektron nusxasi ruhsatsiz tarqatilgani yuzasidan Adliya vazirligiga murojaat qilgan edi.

Murojaat asosida o‘tkazilgan o‘rganishda huquqbuzarlik holati aniqlanib, universitet mas’ul xodimiga nisbatan Ma’muriy javobgarlik to‘g‘risidagi kodeksning 177¹-moddasi asosida bayonnoma rasmiylashtirilgan va ish sudga yuborilgan.

Sudning avvalgi qarori bilan mas’ul xodimga 2 million 60 ming so‘m jarima tayinlangan, shuningdek, asarniнг elektron nusxasini unilibrary.uz tizimidan o‘chirish majburiyati yuklatilgan.

Qonunchilikka muvofiq, muallif huquqi buzilgan holatlarda muallif zararni qoplash o‘rniga huquqbuzardan bazaviy hisoblash miqdorining 20 baravaridan 1000 baravarigacha tovon talab qilish huquqiga ega.