Forumda ikkala tomonning turli sohalarida oʻz faoliyatini yuritayotgan tadbirkorlari oʻrtasida bir qator taqdimotlar va uchrashuvlar tashkil etildi. Shular qatorida bugungi kunda Qoraqalpogʻiston Respublikasining yirik turistik korxonalaridan biri boʻlmish “MUYNAKTOUR” MCHJ direktori Amina Beganova ham xalqaro forumda ishtirok etib, Qoraqalpogʻistonning turistik salohiyati va korxonaning bugungi kundagi mavjud imkoniyatlari haqida taqdimot oʻtkazdi va B2B formatidagi uchrashuvlardan soʻng tadbirkor Qozogʻistonning mahalliy turistik korxonalari bilan oʻzaro shartnoma tuzdi, deb xabar beradi Turizm va sport vazirligi matbuot xizmati Qoraqalpogʻiston Respublikasi Turizm va sport bosh boshqarmasi maʼlumotiga tayanib.