Xinhua axborot agentligi xabariga köra, CZ-12 (Long Març-12) taşuvçi raketasi Xaynan orolidagi tijorat kosmodromidan uçirilgan.
Sunʼiy yöldoşlar belgilangan orbitaga yetkazildi va parvoz muvaffaqiyatli yakunlangan, deb eʼlon qilindi.
CZ-12 — suyuq yoqilğida işlaydigan, ikki bosqiçli taşuvçi raketa bölib, uning uçişdagi tortiş kuçi taxminan 5000 kilonyutonni taşkil etadi. Raketaning balandligi 62 metr, foydali yuk joylaştiriladigan qismining diametri esa 4,2 yoki 5,2 metrga teng. Uşbu raketa 700 kilometr balandlikdagi quyoş-sinxron orbitaga kamida 6 tonna foydali yukni yetkazib beriş imkoniyatiga ega.
Xitoy özining milliy kosmik dasturini faol rivojlantirişda davom etmoqda. Dastur meteorologik, telekommunikatsiya va navigatsiya sunʼiy yöldoşlarini yaratişni, şuningdek, Oy, Mars va asteroidlarni örganişga qaratilgan texnologiyalarni işlab çiqişni öz içiga oladi.
Bundan taşqari, hozirgi vaqtda Yer orbitasida Xitoy kosmik stansiyasi faoliyat yuritmoqda, u xalqaro hamkorlikni öz içiga olgan turli maqsadlarga xizmat qiladi.
2025-yilda Xitoy 92 ta kosmik parvozni amalga oşirib, yangi milliy rekord örnatdi, deb xabar berdi report.az.
