Усы жылдың 14-23-май күнлери Бухарест қаласында “Grand Chess Tour 2026” халықаралық сериясының екинши басқышы – “Superbet Chess Classic Romania 2026” турнири болып өтеди. Дүньяның ең күшли он гроссмейстерлери қатарында Өзбекстан ўәкили Жавоҳир Синдаров та беллесиўлерде қатнасады.
Ҳәзирги ўақытта өзбек шахматшысы
2776 балл менен дүнья рейтингинде 5-орынды ийелеп тур.
Сондай-ақ, турнир
қатнасыўшылары арасында дүньяның жетекши шахматшылары - Фабиано Каруана, Аниш
Гири, Винсент Каймер, Алиреза Фирузжа ҳәм Уесли Со да бар.
Турнирдиң улыўма сыйлық қоры
475 мың долларды қурайды.
Жарыс 14-май күни Ташкент
ўақты менен саат 18:00 де старт алыўы режелестирилген.
