Музей экспозициясы бес әсирден аслам дәўир даўамында
Корея тарийхында айрықша орын ийелеген Чосон короллик династиясының көп әсирлик
тарийхы ҳәм бай мәдений мийрасы менен таныстырады.
Өзбекстанның биринши ханымы ушын ески қолжазбалар ҳәм
қосықлар, дәстүрий либаслар, сондай-ақ, сол дәўирдиң турмысы, дәстүрлери ҳәм
көркем мийрасын сәўлелендиретуғын сарай мәдениятының басқа да буйымлары
көрсетилди.
Музей экспозициясы менен танысқаннан соң Зироат
Мирзиёева ҳәм Ким Хе Гён еки тәреплеме ушырасыў өткерди.
Қызғын ҳәм дослық руўхында өткен сөйлесиўде Өзбекстан
ҳәм Корея халықларының көп жыллық дослық, өз-ара ҳүрмет ҳәм мәдений уқсаслық
қатнасықларына тийкарланған айрықша жақынлығы атап өтилди.
