Жер астынан пайдаланыў ҳуқықын электрон онлайн-аукцион арқалы нәтийжели
әмелге асырыў мақсетинде ҳүжжет пенен 25.03.2022-жылдағы "Жер астынан
пайдаланыў ҳуқықына руқсатнама бериў тәртибин буннан былай да жетилистириў
илажлары ҳаққында"ғы 133-санлы Министрлер Кабинетиниң қарарына өзгерислер
ҳәм қосымшалар киргизилди.
Атап айтқанда, төмендегилер нәзерде тутылады:
жер асты байлықларынан пайдаланыў ҳуқықлары электрон онлайн-аукционының
басланғыш баҳаларын тастыйықлаў;
жер участкаларынан пайдаланыўға рухсат бериў ушын "ким биринши
келсе, сол алды" тәртибинде арза бериўде электрон онлайн-аукционлардың
басланғыш баҳалары муғдарында төлем алынады;
баҳалы металларды
излеў усыллары менен қазып алыў ушын жер астынан пайдаланыў ҳуқықының электрон
онлайн-аукциондағы басланғыш баҳасын ҳәр бир гектар ушын БЕМның 35 есесинен 100
есесине шекем арттырыў.
Таў-кән жумысы
ушын жер астынан пайдаланыўдың басланғыш баҳасын анықлаўда минерал қорлардың
баҳасын есаплаў тәртиби 2026-жыл 1-октябрьге шекем ислеп шығылады.
2027-жыл 1-мартқа
шекем кәнлер ҳәм перспективалы аймақларды өзлестириўди жеделлестириў мақсетинде
республикадағы жер асты кадастры участкалары ҳаққындағы мағлыўматлар
"Геомониторинг" мәлимлеме системасына киргизилиўи керек.
Ҳүжжет Нызамшылық
мағлыўматлары миллий базасында жәрияланған ҳәм 01.11.2026-жылдан күшке киреди,
деп жазады «Norma».
