Таярланған илажлар режеси
шеңберинде темир жол, автомобиль ҳәм ҳаўа транспортында қосымша рейслер
шөлкемлестириледи.
Қосымша поездлар
"Ташкент-Хийўа-Ташкент",
"Ташкент-Қоңырат-Ташкент", "Ташкент-Шават-Ташкент",
"Ташкент-Термиз-Ташкент" ҳәм "Ташкент-Сариасия-Ташкент"
темир жол жөнелислеринде поездлар қурамына қосымша 4 вагонға шекем
бириктириледи.
Буннан тысқары, "Ташкент - Самарқанд -
Ташкент", "Ташкент - Бухара - Ташкент" ҳәм "Ташкент -
Үргенш - Ташкент" жөнелислеринде қосымша жоқары тезликте ҳәрекетленетуғын
электропоезд қатнаўлары шөлкемлестириледи.
Қосымша рейслер байрамнан еки күн алдын басланады ҳәм
байрамнан кейин еки күн даўам етеди.
Және де автобус қатнаўлары
Барлық қалалараралық жөнелислерде қосымша автобус
қатнаўлары шөлкемлестириледи.
Атап айтқанда, Ташкент Қубла темир жол вокзалы
жанында қалалараралық автобуслар ушын резерв тоқтаў майданшасы ажыратылады.
Онда байрамнан кеминде үш күн алдын "Ташкент - Самарқанд - Бухара - Үргенш
- Нөкис" жөнелислеринде қатнайтуғын автобуслар жайластырылады.
Қосымша авиақатнаўлар
Туристлик бағдарлар бойынша саяхат етиў ушын қосымша
имканиятлар ҳаўа транспорты есабынан да тәмийинленеди.
Байрамнан кеминде еки күн алдын "Ташкент -
Үргенш", "Ташкент - Нөкис", "Ташкент - Бухара" ҳәм
"Ташкент - Термиз" жөнелислери бойынша қосымша авиарейслердиң әмелге
асырылыўы режелестирилген.
Көрилген илажлар байрам күнлери халықтың елимиз
аймақларына саяхатларын көбейтиў, ишки туризмди буннан былай да раўажландырыў,
елимиздиң тарийхый, мәдений ҳәм тәбийғый орынларына саяхат етиў ушын қолайлы
шараятлар жаратыў имканиятын беретуғыны күтилмекте.
