"Өзгидромет"тиң мәлим етиўинше, 27-июнь күни Ташкент ўәлаятының
айрым аймақларында ҳәм Ферғана ойпатлығы ўәлаятларында қысқа мүддетли жаўын
жаўып, гүлдирмама болыўы мүмкин.
28-июнь күни республиканың арқа-батыс районларында ҳаўа-райы өзгерип
турады. Қарақалпақстан ҳәм Хорезм ўәлаятының айырым жерлеринде жаўын жаўады,
айырым жерлерде күшли болады. Республиканың қалған аймақларында жаўын-шашын
болыўы күтилмейди.
Самалдың тезлиги 7-12 м/с, айырым жерлерде 13-18 м/с қа шекем күшейиўи,
арқада ҳәм шөл аймақларында 20-22 м/с қа шекем күшейиўи, айырым жерлерде
шаң-тозаң менен бақланыўы мүмкин.
Ҳаўаның
температурасы көпшилик ўәлаятларда бүгин ҳәм дем алыс күнлери 35-40 дәреже,
екшемби күни айырым жерлерде 42 дәрежеге шекем, қублада 43-44 дәрежеге шекем
көтериледи. Қарақалпақстан ҳәм Хорезм ўәлаятында күндизги ўақытлары 32-37
дәреже, екшемби күни арқада 23-28 дәрежеге шекем төменлейди.
Республиканың таў
алды ҳәм таўлы аймақларында ўақты-ўақты менен қысқа мүддетли жаўын жаўып,
гүлдирмама болыўы күтиледи. Сел-суў өтиўи мүмкин.
Ташкентте бүгин
күндиз жаўын-шашын болмайды. Температура - 37-39°.
Шемби күни қысқа
ўақытлы жаўын жаўыўы, гүлдирмама болыўы мүмкин. Ҳаўаның температурасы күндиз
38-40 градус жыллы.
Екшемби күни
жаўын-шашын болмайды. Ҳаўаның температурасы күндиз 39-41°.
Самалдың бағыты
шығыстан 3-8 м/с тезликте еседи, ўақты-ўақты менен 10-12 м/с қа шекем күшееди,
қаланың айрым аймақларында шаң-тозаң болыўы мүмкин.
