Бул ҳаққында Бәсеки комитети мәлим етти.
Атап өтилиўинше, Президент Шавкат Мирзиёев тапсырмаларының орынланыўын тәмийинлеў мақсетинде комитет тәрепинен авиация базарында ишки авиақатнаўлардың тарифлери, баҳаларды қәлиплестириў тәртиби ҳәм хызметлерден пайдаланыў имканиятлары үйренилген.
Үйрениўлер даўамында авиақатнаўларға байланыслы тасыў қәрежетлерин оптималластырыў имканиятлары талланып, ишки жөнелислерде авиабилетлердиң баҳасын арзанлатыў бойынша усыныслар ислеп шығылған.
Бул усыныслар жоқары турыўшы инстанциялар тәрепинен қоллап-қуўатланған. Нәтийжеде Бәсеки комитети «Uzbekistan Airways» АЖ менен биргеликте ишки авиақатнаўлардың тарифлерин қайта көрип шықты.
Атап өтилиўинше, бул илажлар халық ушын авиақатнаўларды және де қолайлы ҳәм арзан етиў, ишки туризмди раўажландырыў, аймақлар арасында ҳәрекетлениў имканиятларын кеңейтиў және хызмет сапарлары ҳәм жеке сапарларды режелестириўде қосымша қолайлық жаратыўға қаратылған.
Бәсеки комитети халықтың мәплерине байланыслы базарларды таллаў ҳәм үйрениў жумысларын избе-из даўам еттирип, анықланған машқалалар бойынша әмелий илажлар көриўге айрықша итибар қаратпақта.
