Бұл туралы Транспорт
министрлігі мәлімдеді.
Хабарлауынша,
қазіргі уақытта елордадағы жерүсті қоғамдық көлігі 169 автобус бағыты бойынша
жолаушыларға қызмет көрсетуде. Сондай-ақ жылдың барлық мезгілінде тұрғындарға
ыңғайлы әрі қауіпсіз тасымалдау қызметін ұйымдастыру саланың басым
міндеттерінің бірі екені атап өтілді.
Осыған байланысты Ташкент қаласындағы автобус бағыттарында
тасымалдаушылардың брутто-шарт талаптары мен белгіленген сапа стандарттарын
сақтауына қатысты бақылау күшейтілді.
Белгіленген талаптарға сәйкес, сыртқы ауа температурасы +28
градустан жоғары болған жағдайда автобус пен электробустардың салонында
кондиционерлер міндетті түрде жұмыс істеуі және ішкі температура шамамен +26
градус деңгейінде сақталуы тиіс.
Транспорт
министрінің тиісті тапсырмасы негізінде Ташкент қаласының көлік және жол-көлік
инфрақұрылымын дамыту бас басқармасы мен «Тошшаҳартрансхизмат» АҚ басшылығы
жетекшілік ететін жұмысшы
топтары автобус бағыттарында рейдтік тексерулер жүргізіп, брутто-шарт аясындағы
сапа талаптарының орындалуын жергілікті жерде бақылауда ұстап отыр.
