Метеорологик прогнозга кўра, Тошкент шаҳрида шамол тезлиги айрим соатларда 0,5–1 м/с гача пасаяди. Бу эса ҳавонинг вертикал аралашуви секинлашишига олиб келади.
Ёғингарчилик кутилмаётгани сабабли ҳаводаги заррачаларнинг узоқроқ вақт ҳавода сақланиб қолиш эҳтимоли мавжуд. Мазкур омиллар PM2.5 ва PM10 заррачаларининг ерга яқин қатламда тўпланиши учун қулай шароит яратади.
Прогнозларга кўра, пойтахтнинг аксарият ҳудудларида соат 22:00 дан 01:00 гача ҳаво сифати AQI стандарти бўйича «сезгир гуруҳлар учун носоғлом» даражагача ёмонлашиши мумкин.
Эрталаб ер юзаси исиб, инверсия заифлашиши ва вертикал аралашув кучайиши натижасида ҳаво сифати аста-секин яхшиланиши кутилмоқда.
Шу сабабли кечки вақтларда очиқ ҳавода узоқ вақт бўлмаслик тавсия этилади.
Айни пайтда атмосфера ҳавоси сифати махсус комиссия томонидан доимий мониторинг қилинмоқда.
