ФИФА Аргентина терма жамоаси сардори Лионель Месси 2026 йилги жаҳон чемпионати гуруҳ босқичининг иккинчи турида Австрияга қарши ўйинда ўйиннинг энг яхши ўйинчиси деб топилганини эълон қилди.
Ўйин Арлингтондаги (Техас) “Эй-Ти-энд-Ти” стадионида бўлиб ўтди ва амалдаги жаҳон чемпионларининг 2:0 ҳисобидаги ғалабаси билан якунланди. 38 ёшли аргентиналик сардор иккта гол урди.
Месси 9-дақиқада пенальтидан гол уролмади. Бироқ, у биринчи бўлимда хатосини тузатди: 38-дақиқада ҳужумчи Жаҳон чемпионатидаги 17-голини урди ва турнир тарихида голлар сони бўйича ягона етакчига айланди ва Германия терма жамоаси вакили Мирослав Клозедан (16 та гол) ўзиб кетди. Қўшимча вақтда Месси иккинчи голини киритиб, рекордини 18 тага етказди.
Месси шунингдек, Жаҳон чемпионатида ғалаба қозониш бўйича рекордни янгилади (18), бу орқали Клозенинг рекордини ортда қолдирди.
Биринчи марта 2002 йилда тақдим этилган “Ўйиннинг энг яхши ўйинчиси” мукофоти аргентиналик ҳужумчига фаолиятида 13-марта (тарихдаги энг яхши) ва 2026 йилги жаҳон чемпионатида иккинчи марта берилди.
Бундан ташқари, Мессининг 2014 йилги Бразилиядаги жаҳон чемпионатида тўртта мукофотни қўлга киритган, у бу борада Нидерландиянинг собиқ ярим ҳимоячиси Уэсли Снейдер билан бир хил рекорд қайд этган, у 2010 йилги ЖАРда бўлиб ўтган Жаҳон чемпионатида тўрт марта “Ўйиннинг энг яхши ўйинчиси” деб топилган.
Ушбу ғалаба билан Аргентина олти очко тўплади ва Жаҳон чемпионатининг плей-офф босқичига йўлланмани эрта қўлга киритди. Улар 28 июнь куни гуруҳ босқичининг сўнгги ўйинида Иордания билан тўқнаш келишади, деб хабар берди rbc.ru.
