Транспорт вазирлигининг маълум қилишича, поездлар ушбу йўналишда ҳафтасига бир марта қуйидаги жадвал асосида ҳаракатланади.

Тошкент — Астрахань йўналиши (150-сонли поезд)

17 декабрдан бошлаб ҳар ҳафтанинг пайшанба куни соат 18:00 да Тошкент-Марказий (Тошкент-йўловчи) вокзалидан жўнаб кетади ва шанба куни соат 19:00 да Астрахань шаҳрига етиб боради.

Астрахань — Тошкент йўналиши (149-сонли поезд)

20 декабрдан бошлаб ҳар ҳафтанинг якшанба куни соат 02:01 да Астрахань шаҳридан жўнаб кетади ва сешанба куни соат 04:35 да Тошкент-Марказий вокзалига етиб келади.

Йўловчилар учун чипталар поезд жўнаш санасидан 45 кун олдин сотувга чиқарилади.

Янги қатнов Тошкент ва Астрахань ўртасидаги халқаро темир йўл алоқасини кенгайтириш ҳамда йўловчилар учун қўшимча транспорт имкониятини яратишга хизмат қилади.