Уларнинг уйқуси махсус қурилмалар орқали кузатилган. Бунда ҳар бир иштирокчига ўртача 154 кунлик ёзув тўғри келган, деб ёзади lenta.ru.

Психологик ҳолат ҳар ойда депрессия, хавотир ва ёлғизлик белгилари бўйича сўровномалар ёрдамида баҳоланди, натижалар Scientific Reports журналида эълон қилинган.

Ухлаш давомийлиги ва сифатига эътибор қаратилган кўплаб олдинги ишлардан фарқли ўлароқ, тадқиқотчилар уйқунинг мунтазамлигига, яъни маълум бир одамнинг одатда соат неччида уйқуга ётиши ва уйғонишига эътибор қаратди.

Сан-Франсискодаги Калифорния университети Психиатрия ва хулқ-атвор фанлари бўлимининг муаллифи Эшли Мейсон таъкидлаганидек, мунтазам уйқу ва уйғоқлик режими циркад ритмларни меъёрда ушлаб туради.

Циркад ритмлар – бу организмнинг ички биологик соатлари. Улар тахминан 24 соатлик цикл бўйича ишлайди ва уйқу ҳамда уйғоқлик алмашинувини бошқаради. Унинг бузилиши эса депрессия ва бошқа руҳий бузилишлар билан боғлиқ бўлган циркад мувофиқликни заифлаштириши мумкин.