Аввал светофор сиклининг биринчи фазаси 35 сония, иккинчи фазаси эса 28 сония давом этган. Энди энг гавжум йўналишда фазанинг узунлиги 35 сония ўрнига 60 сонияга узайитирлди.
Шунингдек, қарама-қарши йўналишдаги автомобиллар энди бироз олдинроқ тўхтайди. Бу бурилаётган транспорт воситаларига бурилишни хавфсиз якунлаб, чорраҳани тезроқ бўшатиш имконини беради. Натижада светофор бир сикл давомида кўпроқ автомобилни ўтказади.
Ўзгаришлар натижа берди: кундузи автомобиллар навбати сезиларли даражада қисқарди, ҳаракат бир маромга тушди, чорраҳадан ўтиш вақти эса 2 дақиқагача камайди.
Яқин атрофда темирйўл кесишмаси жойлашган. Поезд ўтаётганда ҳаракат вақтинча тўхтатилади. Шу сабабли чорраҳада қисқа вақтга автомобиллар тўпланиши мумкин.
ЙҲТЭМ вазиятни кузатишда давом этмоқда. Мутахассислар эрталабки ва кечки тиғиз вақтлар учун светофорнинг алоҳида иш режимларини тайёрламоқда.
Кейинги босқич — қўшни чорраҳаларни янгилаш ва уларнинг светофорларини ягона “Яшил тўлқин” тизимига улаш. Натижада рухсат этилган тезликда ҳаракатланаётган автомобиллар чорраҳалардан кетма-кет яшил чироқда ўтиб, камроқ тўхташи мумкин бўлади.
