Учрашувнинг 5-дақиқасида Мелёхин ўз дарвозасига гол уриб қўйди ва терма жамоамизни олдинга олиб чиқди. Иккинчи бўлим бошида, 46-дақиқада Беҳруз Каримов Ўзбекистоннинг иккинчи голини киритди.
Бироқ учрашувнинг сўнгги қисмида россиялик футболчилар ташаббусни қўлга олди. 70-дақиқада захирадан майдонга тушган Комличенко ҳисобдаги фарқни қисқартирди. У орадан беш дақиқа ўтиб, 75-дақиқада яна бир гол уриб, мувозанатни тиклади.
79-дақиқада эса яна бир захира футболчиси Миранчук ғалаба голини киритди — 2:3.
Маълумот учун, Фабио Каннаваро бошчилигидаги Ўзбекистон миллий терма жамоаси навбатдаги ўртоқлик учрашувини 17 ноябрь куни Саудия Арабистонига қарши меҳмонда ўтказади.
