Viloyat IIBB axbrot xizmatning ma'lum qilishicha, joriy yilning 26 aprel kuni soat 23:10 larda “A-373” avtomobil yo‘lining 93-kilometrida “HOWO” rusumli yuk mashinasi haydovchisi (1995 y.t.) R.N. harakat vaqtida boshqaruvni yo‘qotib, shu yo‘nalishda harakatlanayotgan 4 ta transport vositasi bilan to‘qnashgan.

Hodisa oqibatida “Cobalt” rusumli avtomobilda bo‘lgan haydovchi I.X. (1975 y.t.) va yo‘lovchi Z.T. (1986 y.t.) voqea joyida vafot etgan.

Qolgan transport vositalarida bo‘lgan 4 nafar fuqaro turli darajadagi tan jarohatlari bilan tibbiyot muassasasiga olib borilgan.

Hozirda mazkur holat yuzasidan Toshkent viloyati IIBB huzuridagi Tergov boshqarmasi tomonidan Jinoyat kodeksining 266-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.